(10 කොටස) ඒ නිළධාරියව මරන්න මට තවත් නිළදාරීන් ගොඩක් මරන්න උනා

පුහුණුව අවසානේ මට පළවෙනි මෙහෙයුම කරන්න සිද්ධ උනා.  මගේ ඉලක්කය වෙලා තිබුනේ පොළිස් නිළධාරියෙක්. එයා මේ අයගේ පගා වලට කැමති වෙලා තිබුනේ නෑ. මෙයාලව කීප සැරයක්ම අත්තඩංගුවට අරන් දඩුවම් කරල තියනවා. ඒ නිසා ඒයාගෙන් පළිගන්න මාව යොදාගත්තා.

                එයා මරන්න අවශ්‍ය කරන සියළුම දේවල් මට සපයලා තිබුනා. වෙඩි තියනකොට සද්දේ පිටට ඇහෙන්නැති පිස්තෝලයක්, බයික් එකක් ඒ අතර උනා. මගේ මෙහෙයුම කරන්න උනේ රෑ. මොකද දවල් රාජකාරි කරන පොළිස් නිළධාරීන් ගානට වඩා රෑ අඩු නිසා. ඒ වගේම ඒ පොළිස් නිළධාරියා රාත්‍රී සේව මුරයක් කරන දවසක් උනා.

                මම කරන්න යන අපරාධය අහස පොළව නුහුලන අපරාධයක් බව මට තේරුනත්, මගේ ජීවිතේ බේරගන්න මට ඒක කරන්න සිද්ධ උනා. මගේ ජීවිතේට තියන ආසාව නිසාම නෙමේ. මම මැරුනොත් මගේ අම්මයි තාත්තයි බලාගන්න කෙනෙක් නැති වෙනවා. ඒ හේතුව නැත්තම් මේ වගේ අවංක පොළිස් නිළධාරියෙකුගේ ජීවිතේ නැති කරනවට වඩා මම මැරෙනවා.

රැ උනා. මට Call එකක් ආවා.

                මැඩම්-   "වැඩේට ලෑස්තිඩ්නේ?"

                මම -       "ඔවු මැඩම්"

                මැඩම්-   "අවශ්‍ය කරන දේවල් සේරම ලගටම දීල ඇති.  රෑ නිසා ට්‍රැෆික් එක නැ ඒ පාරේ. යන්න පුළුවන් උපරිම වේගෙන් යනව. පොලිසිය පිටිපස්සේ අතෑරපු ගෙයක් තියනව. ඒ පැත්තේ ලයිට් එළිය අඩුයි. එතන බයික් එක දානවා.පොළිසිය පිටිපස්සේන් යනවා. සිතියම දීල තියනවනේ. ඔකේ හොදට බලනව. පොඩි කවුලුවක් තියනව වහලෙන් ඇතුලට. එකෙන් ඇතුලට බහිනව. හොදට මතක තියාගන්නව. පොළිස්කාරයො සේරම එකපාර අවුස්සගන්න එපා. රෑ නිසා කට්ටිය තැන් තැන් වල ඉන්නේ. ඒ නිසා එක එකා පිළිවෙලින් ඉවර කරගෙන යනව. අදාළ කෙනාගේ කාමරේ සිතියමේ තියනව. එතන්ට ගිහින් එයාව ඉවරයක් කරල පුළුවන් තරම් ඉක්මනට එතනින් පිටවෙනව. අදාල කෙනා ඉවර කරාට පස්සේ අනිත් අයගෙන් වැඩක් නැ.

තමුන් වෙඩි කෑවොත්?. ඒක තමුන්ට තියෙයි. හැබැයි අහුවෙලා තමුසේ අපි ගැන වචනයක් හරි කියල තිබුනොත්, ගොඩක් දුක් වෙන්න වෙයි. කියපුව තේරුනාද?

                මම- ඔවු මැඩම්

මට පිට වෙන්න තිබුනේ රෑ 12 ට. මොකද පාන්ද වෙනකොට කට්ටියට නිදිමතේ ඉන්න නිසා මගේ වැඩේ ලේසි. ඒ වෙනකම් මම කල්පනා කරේ මෙකෙන් ගැලවෙන්නේ කොහොමද කියලා. හැමතැනම උන්ට වැඩ කරන මිනිස්සු.  මට පැනගන්න කොහෙත්ම ඉඩක් නෑ. ඒත් මගේ එකම අදිෂටානය උනේ මේ උගුලෙන් ගැලවිලා ආපහු ගමට යන්න.

වෙලාව රෑ 12 යි. මම යන්න පිටත් උනා. පාරේ කිසිම කෙනෙක් නෑ. මම පුළුවන් තරම් එක්මනට පොළිසිය ලගට ලං උනා. කරන්න යන දේ ගැන බයකුත් දැනුනා. ඒත් කරන්නම වෙන නිසා හිත හදා ගත්තා. කියපු විදියටම මම පොළිසියට ඇතුල් උනා. ඒ නිළධාරියව මරන්න මට තවත් නිළදාරීන් ගොඩක් මරන්න උනා. ඒ අහින්සක ජීවිත වලට මම කවදා වන්දි ගේවන්නද කියල මට හිතුනා.

එක නිළදාරියෙක් තැනකට වෙලා call  එක්ක හිටියේ. මට ඇතුලට යන්න එයාව මරන්න උනා. මට අහම්බෙන් වගේ එයාගේ ෆෝන් එක ගන්න හිතුනා. මට ෆෝන් ලග තියාගන්න අවසරයක් නැති නිසා මම ඒක හන්ගගෙන ආව මැඩම්ලට සැක හිතෙන්නැතිවෙන්න. එදා මම මෙහෙයුම සාර්තකව ඉවර කරා. ඊට පස්සේ සතියක් විතර මට අයෙත් සුපුරුදු රස්සාවෙ යෙදිල ඉන්න කීවා කලබලය අඩු වෙනකම්. ඒ කාලේ මම ටොයිලට් එකට යන ගමන් අර ෆෝන් එක පරීක්ෂා කරා. සිම් එක ගලවලා ආව නිසා එකෙන් ෆෝන් එක තියන තැන හොයාගන්න බෑ. අනුන්ගේ මනාලියක් විදියට මම බිස්නස් යනගමන් හොරෙන් ගත්ත සිම් එකක් දාගත්තා. ඒකෙන් මම ඉන්ටනෙට් එකේ හොයල බැලුව මගේ ඇග ඇතුලට දාල තියන උපකරනය මොකද්ද, ඒකෙන් බේරෙන්නේ කොහොමද කියලා.

(09 කොටස)මගේ මෙහෙයුම ආරම්භ උනා

(08 කොටස) අහිංසක මිනිස්සුන්ව දඩයම් කරන්න පටන්ගත්තා.

පුහුණුව ඉවර වෙනකම් මමත් ජීවත් වෙයි කියල මට හිතුන්නෑ. ඒ තරමට මට දුක් විදින්න සිද්ධ උනා. ඒ පුහුණුව අවසන් වෙලා එක දවසක් පහුවෙලා අර නපුරු ගෑණු කෙනා ආවා. එයා මාව වෙන තැනකට එක්කගෙන ගියා. ඒකත් සාමාන්‍ය ගෙදරක්. ඒත් අර විදියමයි. පොළව යට සුපිරි නිවසක්. ඒත් අර තරම් ඉඩක් නම් තිබුන්නෑ. ඒත් එතන සුපිරිම වර්ගයේ පරිගණක පද්ධතියක්, මට අදින්න අමුතුම ඇදුම්, ආයුධ වලින් පිරිල තිබුනා. පුහුණුවේදි මට උගන්නපු විදියට ඒ පරිගණක පද්ධතියෙන් කරන්න බැරි වැඩක් නෑ.

ලංකාවේ ඕනැම බැංකුවක, ආරක්ෂක අංශ වල පරිගණක පද්ධතිත් එක්ක ඒකෙන් සම්බන්ධ වෙලා දත්ත ලබා ගන්න. ඒවට හානි කරන්න හැකියාව තිබුනා.  ඒ වගේම ඕනෑම කෙනෙකුගේ ෆෝන් වලින් තොරතුරු ලබාගන්න වගේ ගොඩක් දේවල් කරන්න ඒ පරිගණක පද්ධතියට හැකියාවක් තිබුනා.
මට කරන්න ඕනෙ කරන වැඩ ටික එවල තිබුනා. අවශ්‍ය උපදෙස්. කවුදෝ පිරිමි කටහඩකින් මට කීවා. ඒ කවුද? කොහෙ ඉදන්ද කියන එක ඒ පරිගණක  වලින් හොයාගන්න බැරි විදියට හදල තිබුනා.

ඉතිරි කොටස කැකි ඉක්මනින් බලාපොරොත්තු වන්න

(07 කොටස)ඒවා බැරි වෙනකොට පොලු පාරවල් පිට මැදට ගැහුවේ හරියට මම කෙල්ලෙක් කියලවත් හිතන්නැතුව,

අනිත් දෙන්නගෙන් මාව වෙන් කරා. ඒ දෙන්නව සුපුරුදු රස්සා වල යෙදෙව්වා. මාවා වෙනම පුහුණු කරා. හේතුව පස්සේ දැනගත්තේ. මම ලවා එයාලට විරුද්ධව වැඩ කරණ පොලිස් නිළධාරීන් හා වෙනත් අය මරවන එක, බැංකු වලින් සල්ලි මංකොල්ල කන්න. වාගේ දේවල් වලට තාමා මාව යොදවලා තියන්නේ. කළිනුත් හොදට ඉගෙනගත්ත අය මෙහෙම පුහුණු කරවලා මේ වගේ වැඩ වලට යොදවලා තියනවා. එයාල ඒ වැඩ කරද්දි, සමහරු පොලීසියට අහු වෙලා හිරේ ගිහින් තියනවා. සමහරු මැරිල තියනවා. මෙයාලට වීරුද්ධව වැඩ කරපු සමහර අය මරලත් තියනවා.

                මගේ පුහුණුව පටන්ගන්න මට ලෑස්ති වෙන්න කීවා. අපි ගියපු ගේදර පිටතින් සාමාන්‍ය ගෙයක්. ඒත් ඒ ගෙදර ඇතුලෙන් රහස් දොරක් තියනවා. ඒකෙන් ඇතුල් උනාම ලොකු පුහුණු මධ්‍යස්තානයක් වගේ. හරියට හමුදාව පුහුණු කරන තැනක් වගේ.

ඒ ගෙදර මනුස්සයා මට තව කෙනෙක් එතෙන්ට හදුන්වලා දුන්නා. ඒ තමා මගේ පුහුණුකරු. එයා ඉස්සර වැඩ කරල තියන්නේ හමුදාවේ. එහෙදි එයා අයින් කරලා. හේතුව දන්නෑ. ඊට පස්සෙ මේ වැඩ වලට සම්බන්ධ වෙලා තියන්නේ. එයා හැම දෙයක්ම දන්නවා.  ආයුධ ගැන, තාක්ෂණය ගැන, වෛද්‍ය විද්‍යාව ගැන, තියන්නේ පුදුම දැනීමක්. මට හිතා ගන්නවත් බෑ එ වගේ කෙනෙක් මේ වගේ වැඩ කරන්නේ ඇයි කියලා.

මුල්ම දවසේ එයා ටිකක් හොදින් මට කතා කරා. ඒත් වැඩිය මාව ගනන් ගත්තේ නෑ. එයා ටිකක් අමුතු කෙනෙක්. එයාගේ අරමුණ මොකද්ද කියල හරියටම හිතාගන්න බෑ. මුල්ම දවසේ මුළු දවසම ඒ ශාලාව පුරා ඇවිදලා මාව හුරු කෙරුවා. එතන හිතාගන්නවත් බැරි තරම් විශාල තැනක්. පොළොව යට මෙ වගේ දෙයක් කරන්න මේ මිනිස්සුන්ට කොච්චරනම් සල්ලි ඇත්ද කියල මට හිතුනා ඒව දකිනකොට. හැම පහසුකමක්ම තිබුනා. හරියට නිකන් නගරයක් වගේ.  ඒ අතරතුර මට ඒ පුහුණුකරු ටිකක් කතා කරා.

ඔය ළමයා මෙතෙන්ට ඔය ළමයගෙ කැමැත්තෙන් ආවද, නැත්තම් බලේන් ගෙනාවද කියන්න මම දන්නෑ. ඒකෙන් මට වැඩකුත් නෑ. මම මෙතන මගේ රාජකාරිය හරියටම කරනවා. අද මෙහෙම නිදැල්ලේ ඉන්න පුළුවන් උනාට හෙට ඉදන් වැඩ පටන්ගන්න වෙනවා.  එතකොට රෑ, දවල්, මහන්සිය කියන දේවල් අමතක කරන්න වෙනවා. මගේ රාජකාරිය ඔය ළමයව දක්ෂයෙක් කරන්න. ඒක එයාල හොද දේවල් වලට යොදා ගනීද, නරක දේවල් වලට යොදා ගනීද කියන එක මට වැඩක් නෑ. ඔය ළමයට මෙතන තාක්ෂනය, ආයුධ ගැන, හොද පුහුණුවක් දෙනවා. මීට කලින් මෙතෙන්ට ඔය වගේම අය ආවා. සමහරු පුහුණුවෙදි මැරුණා. ඒ නිසා ඔය ළමයට හොද දරා ගැනීමේ ශක්තියක් තියනවනම් මෙතනින් පුහුණු වෙලා ජීවත් වෙන්න වාසනාවක් තියේයි.

මම දන්නවා ඔය ළමයා මත් ද්‍රව්‍ය භාවිතා කරනව කියල. ඒවා අද ඉදන් තහනම් කරනවා. මොකද මෙතනදි හොද සිහියෙන් ඉන්න වෙනවා.  ඒව නැතිව ඉන්න බැරි බවත් මම දන්නවා. ඒ නිසා ඒවට ප්‍රතිකාර කරනව. බැරිවෙලාවත් පැනල යන්න උත්සාහ කරොත්, ඔයාටත් වෙන්නේ අනිත් අය වගේ මේ විදියට මැරිල යන්න" කියල එයා මරපු ගෑණු ළමයි කිහිපදෙනෙකුගේ ෆොටො පෙන්නුවා. ඒ නිසා මට ඒ චරිතේ තේරුම් ගන්න අමාරු උනා. මෙච්චර හොදට කතා කරනවා. වෙලාවකට හරිම කාරුණිකයි. තත්තා කෙනෙක් වගේ. වෙලාවකට යක්ෂයෙක් වගේ. 

පුහුණුවේ මුල්ම දවස පටන්ගත්තා. එකෙදි මගේ රූපය, මම අදින පළදින විදිය ගොඩක් වෙනස් කරා. ඒව කරෙත් මගේ පුහුණුකරුමයි.  අවසානේ මට මාවම අදුරගන්න බැරි තරමට මාව වෙනස් කරලා. ඊට පස්සේ මට වෙනම ඉන්ජෙක්ෂන් වගයක් ගැහුවා.  එ නිසා මට මට මත් ද්‍රව්‍ය පාවිච්චි කරන්නැතුව පියවි සිහියෙන් ඉන්න පුළුවන් උනා. එතන ඉදන් සති දෙකක් විතට රෑ දවල් නොබලා මට ව්‍යායාම කරන්න දුන්න. අවසානෙට මට කෙලින්වත් ඉන්න බැරුව කලන්තේ දාල වැටෙන තත්වෙට ආවා. ඒත් ඉන්න දුන්නෑ. පොඩ්ඩක් ඇහැ පිය උන ගමන් වතුර බාල්දියක් හලනව ඔළුවෙ ඉදලම. 

ඒ දවස් වල තමා මම අපායේ අද්දැකීම් ලැබුවෙ. මනුස්සයෙකුට මේ ලොකේ ඉපදිල විදින්න පුළුවන් උපරිම වද වේදනා මම වින්දා. කියන දේ කරන්න බැරිවෙන වාරයක් පාසා කනේ පාරවල්. පොලු පාරවල් කාපු වාර අනන්තයි. කනෙන් ලේ එන තරමට වේගෙන් පාරවල් ගැහුවා. වෙලාවකට හිතුනා, මුල්ම දවසේ කතා කරපු මනුස්සයමද මේ ඉන්නේ කියලා. නිදාගන්න හම්බුනේ දවසට පැයක් විතර. ගොඩක් බර දේවල් උස්සන්න දුන්නාම, ඒවා බැරි වෙනකොට පොලු පාරවල් පිට මැදට ගැහුවේ හරියට මම කෙල්ලෙක් කියලවත් හිතන්නැතුව, හිතක් පපුවක් නැති මිනිහෙක් වගේ. දවස් ගනන් බඩගින්නේ තිබ්බා.

පනින්න තිබුනු තැන් දැක්කාම මම වැදලා කීවා අනේ මට මේ දේ කරන්න බෑ කියලා. එතකොට කොන්ඩෙන් අල්ලලා ඇදගෙන ගිහින් මාව තල්ලු කරනවා. හරියට තිරිසනෙක් වගේ. මුල් සති කිහිපය අවසන් උනා. අවසානේ මම පිරිමියෙකුටත් වඩා ශක්තිවම් උනා.

දෙවනි පුහුණුව තිබුනේ තාක්ෂනය, කවදාවත් පරිගණකයක් අල්ලලාවත් නැතුව හිටපු මට ඒක අමුතුම අද්දැකීමක් උනා. රෑ දවල් නැතුව පාඩම් කරන්න, ඒ ආශ්‍රිත ක්‍රියාකාරකම් කරන්න උනා. පරිගනකයක් පුන්චි කොටසෙ ඉදලා ගලවලා ආපහු හදන්න, පරිගණක ජාල ගැන හොද දැනුමක් දුන්නා. අවසානේ පරිගණක පද්ධතියක් හැක් කරන විදිය පවා කියලා දුන්නා. එයාලගේ අරමුන උනේ ඒක.

ඒ වගේම ආයුධ ගැන, ඒව හදන විදිය, බෝම්බ හදන විදිය, ඒවා නිශක්‍රීය කරන විදිය, වගේ හැම දෙයක්ම ඉගැන්නුවා.

  ඇත්තටම මම විශ්වවිද්‍යාලයකට ගියා වගේ. ඒත් ඒ හැම දේම යොදාගන්න උනේ නරක දේවල් වලට.  මම අතින් අහින්සක කෙල්ලො, පිරිමි ගොඩක් මැරෙවා පුහුණුවේදී. ඒ ඒයාලා පැනල යන්න උත්සාහ කරපු නිසා හරි, මෙයාලට විරුද්ධව වැඩ කරපු නිසා හරි හිරකරගෙන ඉදලා. මට ඉලක්කෙට වෙඩි තියන්න ඉලක්ක උනේ එ අහින්සකයෝ. මගේ ජීවිතේ කොයිතරම් පවු කරල තියනවද කියල මට හිතුනේ එතකොට. කූබියෙක්වත් මරපු නැති මට අහින්සක මිනිස්සු මරන්න සිද්ද උනේ මම මොන පවක් කලාටද කියලා මට තාමත් හිතාගන්න බැරි උනා.

මුලදි මට කෙනෙක් මරන්න හිත හදාගන්න බැරි උනත්, පස්සේ මට ඒක සුළු දෙයක් උනා. ඒ තත්වෙට මව මෝහනය කරල වගේ තිබුනේ. අවුරුද්දකින් විතර මගේ පුහුණුව අවසන් උනා. එ වෙනකොට මමත් යක්ෂනියක් වෙලයි හිටියේ. හැගීම් දැනීම් කියන දේවල් මගේ හිතට ආවෙ නෑ. මැෂින් එකක් වගේ. එයාල දෙන උපදෙස් වලට වැඩ කරා.